सिंधुदुर्ग जिल्हा उत्कर्ष मंडळ

कोकणातुन पुण्यात शिक्षण नोकरी-धंद्यासाठी येणाऱ्या गरजु युवकांना भविष्यात तात्पुरती राहाण्याची सोय करण्याचेही विचाराधीन आहे.जर एखाद्या सभासदास गंभीर समस्येला तोंड द्यावे लागत असेल तर मंङळाच्या "अध्यक्ष निधी" तुन लगेचच मदत करण्याची तत्परता मंडळ नेहमीच दाखवीत आहे. मंडळाचे दोन मोठे सण म्हणजे १५ ऑगस्टला वार्षिक स्नेहसंमेलन व २६ जानेवरिला वर्धापन दिनानिमित्त मेळावा स्नेहसंमेलनाचे वेळी विविध गुणदर्शन कार्यक्रमाच्या माध्यमातून नव्या-जुन्या कलाकारांना आपली कला दाखविण्याची संधी मिळते.नाट्य विभागाचे कलाकार एखादे नाटक किंवा एकांकीका अगदी जिव ओतुन सादर करतात. त्यासाठी त्यानी खुप कष्ट घेतलेले असतात.मुलांना शालेय यशाबद्दल बक्षिसे,ट्रॉफिज देवून कौतुक केले जाते. मंडळाचा निष्ठावान कार्यकर्ता म्हणुन तसेच गावाकडील एखाद्या संस्थेस उल्लेखनिय कामगिरीसाठी "कोकणभूषण" हा पुरस्कार दिला जातो.सेवानिवृतांचा सत्कार केला जातो. वैवाहीक आयुष्याची २५ वर्षे पुर्ण करणाऱ्यांचाही सत्कार केला जातो. थोरामोठ्यांच्या विचारांचा आस्वाद येथे मिळतो. खुप छान कार्यक्रम असुन सर्वजण त्याची वर्षभर वाट पहात असतात. २६ जानेवरीला वर्धापन दिनानिमित्त मेळावा आयोजित करन्यात येतो. दिवसभराच्या या कार्यक्रमात श्री. सत्यनारायणाची पूजा, रक्तदान, अनाथआश्रमातील मुलांना मदत,कोकणातील लोकांच्या जिव्हाळ्याची संगीत भजन स्पर्धा,या मध्ये ११ ते १२ संघ सहभागी होतात. महीलांसाठी खास कार्यक्रम व स्नेह भोजन व्यवस्था असा भरगच्च कार्यक्रम या दिवशी असतो.

नाटक हा कोकणी लोकांचा अगदी आवडीचा विषय आहे.मंडळाने या विभागामार्फत खुप प्रगती केली आहे. अनेक नाटके, एकांकिका मंचस्थ केल्या आहेत. ४१५ वेळा एकांकीका, नाटकांचे दौरे यशस्वी केले आहेत. मंडळांतर्गत व खुल्या स्पर्धांमध्ये नेहमी नाट्यसिंधुचा सहभाग असतो. कोकणातील लोकांची शान वाढविण्यासाठी जे जे करता येईल ते ते करण्याचा आमचा मानस आहे. मंडळाचे काम सुलभ करण्यासाठी कारभारात पारदर्शकता आणण्यासाठी कार्यक्रमात सुसुत्रता आण्यासाठी मासिक सभा,वार्षिक सर्वसाधारण सभा, कार्यकर्ता शिबिरे, नाट्य शिबिरे , वधु वरांसाठी मेळावे, स्वच्छता अभियान असे विविध उपक्रम राबविले जातात.